Големината на Стара планина и гордиот Балкан, зачуваваните вековни локални традиции и обичаи и богатото културно-историско наследство ќе Ве воодушеват и нема да Ве остават рамнодушни. Збиени во прегратката на прекрасната Стара Планина, многуте селца и маала со по неколку мали куќарки остануваат недопрени од сегашноста. За љубителите на планинскиот туризам и пешачење во регионот има изградени многубројни туристички правци и еко-патеки кои ги откриваат убавините на прекрасната старопланинска природа.

Љубителите на риболовот ќе можат да се радуваат на богат улов во водите на браната Јовковци и на Костелска река. За љубителите на коњичките спортови во околината има изградени коњички бази. Во регионот се зачувани во автентичен изглед многу цркви и манастири, некои од нив со национално значење - симбол на преродбенскиот дух , жив и до денес. Такви се црквата "Свети Никола" и "Успение на Пресвета Богородица" во Елена, Капиновски манастир, Маријанскиот манастир,  Плаковски манастир, црквата "Свети великомаченик Димитриј" - с. Костел.