Есен во Арбанаси, Бугарија - Хотел "Изворот" Арбанаси

Хотел Изворот се наоѓа во централниот дел на селото Арбанаси. Целосно изграден во традиционалниот арбанашки стил, хотелскиот комплекс вешто ги комбинира старата зграда со 150 годишна историја и двете новоизградени архитектонски градби. Хотелот им предлага на своите гости ресторан со летна и две зимски градини, парк, базен на отворено, СПА центар, детско катче и мини зоолошка градина. На територијата на комплексот се наоѓа зградата на Народното читалиште "Иларион Драгостинов", коешто со својата над 300 годишна културна историја претставува туристичка атракција. Сите соби се опремени со клима уред, кабловска телевизија, минибар, персонален сеф, телефон. Во дел од собите има постојан интернет пристап.

ЕДНОДНЕВЕН ДЕЛНИЧЕН ПАКЕТ: 1580 денари (26 €) - 50% = 790 денари (13 €)

ВИП ваучерот е за еден човек и вклучува:

• Ноќевање
• Надворешен базен
• WiFi интернет
• Паркинг
• Пријатни катчиња за одмор и релаксација
• 20% попуст во СПА центарот

Таверна Изворот е одликувана со наградата "Ресторан на годината" за 2003 година. Со разновидно мени, вклучувајќи над 450 предлози за храна и пијалаци, таверната им овозможува на своите гости да уживаат во традиционалната бугарска кујна. Таверната располага со 2 зимски градини, каде што топлината на огништата го надополнува чувството на   комфор и спокојство. Летната градина со своите водни атракции, богато зеленило и детско катче е претпочитано место за нашите гости. Јагне на ражен, јадења на фурна и скара комбинирани со кулинарските вештини на мајстор-готвачите се неодоливо искушение за љубителите на традиционалната бугарска кујна. За доброто расположение на гостите во таверна Изворот има богата фолклорна програма.

Комплекс "Изворот" нуди перфектни услови за одмор и релаксација. Покрај забрзаното и тензично секојдневие, овде можете да го вратите еланот и енергијата, подарувајќи си едно навистина релаксирачко и инспиративно доживување.
Местоположба и знаменитости:
Село Арбанаси е лоцирано во непосредна близина на средновековната бугарскапрестолнина Велико Трново. Основано во 15 век од православни Грци, Албанци и Бугари населбата го достигнува својот процут во 17 век. Поради необичниот шарм, уникатни архитектонски споменици и благопријатната клима, во 1921г. со царски указ село Арбанаси е прогласено за одморалиште, а во 2000 година за "Историска населба" од национално значење. Куќите со над 300 годишна историја се зачувани во автентичен вид и импресионираат со неповторлива архитектура, дрворезбарство и уметнички фасадни орнаменти. На територијата на селото Арбанаси се зачувани 5 цркви и 2 манастири изградени и фрескоописани во крајот на 16 и почетокот на 17 век. Во манастирот Успение Богородично се чува една од чудотворните икони на Божјата Мајка. Село Арбанаси нуди единствена можност за непосреден допир до вистински ремек-дела во архитектурата, интериерниот дизајн и црковното сликарство од 16 - 17 век.